Annapurna

Frå Wikipedia – det frie oppslagsverket

Annapurna
Annapurna I og Annapurna Sør, sett frå Poon Hill
Annapurna I og Annapurna Sør, sett frå Poon Hill
Høgd over havet 8 091 m.
Ligg i/på Nepal
Fjellkjede Himalaya
Koordinatar 28°35′43″N, 83°49′11″E
Førsteklatring 3. juni 1950, Maurice Herzog og Louis Lachenal
Annapurna-massivet sett frå Phewa Lake.
Annapurna-massivet sett frå Phewa Lake.

Annapurna (også kjend som Annapurna Himal) er eit 55 kilometer vidt fjellmassiv i Himalaya. Det høgaste punktet, Annapurna I, ligg 8091 moh., noko som gjer det til verdas tiande høgaste fjell.

Annapurna ligg i Nepal, og namnet er sanskrit for «Innhaustingas Gudinne». Administrativt ligg kjeden på austgrensa til Myagdi distrikt mot Kaski distrikt, i Dhaualagiri sone i Nepals Vestregion. Fjellet går høgt opp inne i Kaski, men toppen på Annapurna I skal vere innanfor Myagdi.

Annapurna I regnes som et av de vanskeligste fjell over 8000 meter å bestige, mykje på grunn av veldig stor skredfare. Per 2005 hadde berre 130 menneskjer stått på toppen, og 56 personer har døydd under forsøk på bestigning av fjellet.

Trass dei store utfordringane forbunden med klatring i Annapurna-massivet, var Annapurna I det første fjell over 8000 meter som fekk ein vellykka bestigning. Den 3. juni 1950 sto Maurice Herzog og Louis Lachenal frå ein fransk ekspedisjon som dei første menneskjer på toppen av eit av verdas fjell på over 8000 meter.

Annapurna II, den austligste toppen i massivet, blei først klatra i 1960. I forhald til høgde over havet (7 937 moh.), avstand til nærmaste høgare topp (30,5 kilometer til Annapurna I), og primærfaktor (2 437 meter) er også Annapurna II eit av Himalayas mest overveldande fjell, og det 16. høgaste fjell i verda.

Machapuchare (6 993 moh.) er ein annan markant topp i Annapurna-massivet. Dette er eit av Nepals hellige fjell, og derfor stengt for klatrarar.

[endre] Eksterne lenkjer

Commons har multimedia som gjeld: Annapurna


Fjell med ei høgd på over 8000 meter

Everest | K2 | Kangchenjunga | Lhotse | Makalu | Cho Oyu | Dhaulagiri | Manaslu | Nanga Parbat | Annapurna | Gasherbrum I | Broad Peak | Gasherbrum II | Shisha Pangma